Monaco, 22 prill (BotaSport) – Rafael Nadal është fitues i turneut Atp Montecarlo, pasi e mposhti në finale numrin 1 në botë, Novak Djokovic.
Tenisti spanjoll e ‘rrafi’ serbin pas vetëm 78 minutash, në meçin prej 2 setesh, të cilët i fitoi pa problem: 6-3 e 6-1.
Ish numri 1 në botë kështu e fitoi këtë turne për herë të tetë rresht, duke e barazuar rekordin e tenistit Vila, që kishte fituar tetë herë rresht në turneun e Buenos Aires.
Në 31 përballjet direkte ndërmjet Nadalit e Djokovicit, spanjolli është në avantazh prej 17:14.
Nadal e kishte mposhtur ‘Nolen’ edhe në finalen e vitit 2009 në turneun Masters 1000 të Montecarlos, pas tre setesh: 6-3 2-6 6-1.
Ky ishte turneu i tretë Masters 1000 i sezonit, i cili u mbajt në Country Club.
Fjalët Kyqe: Djokoviç, Montecarlo, Nadal, Tenis
