Romë, 21 maj (BotaSport) – Rafael Nadal është mbret i Romës. Tenisti spanjoll e ka fituar turneun Internazionali Bnl d’Italia, i cili u mbajt në kryeqytetin italian, pasi e mposhti në finale tenistin serb Novak Djokovic.
Tenisti nga Mallorca fitoi 2-0 në sete, prej tyre 7-5 e 6-3, duke shfaqur siguri dhe duke mos i dhënë rast numrit 1 në botë.
Nadal e konfirmoi kështu dominimin në fushën me rërë ndaj kundërshtarëve, duke e fituar turneun e radhës, në Itali.
Ndërkohë, në konkurrencën e femrave, Maria Sharapova u konfirmua mbretëreshë e këtij turneu.
Tenistja ruse ia doli ta mposht në finale kinezen Na Li pas 3 setesh: 4-6, 6-4, 7-6, në një meç i cili zgjati 2 orë e 52 minuta.
Para se të përfundonte seti i tretë, loja ishte ndërprerë për dy orë, për shkak të shiut që ra.
Fjalët Kyqe: Nadal, Roma, Sharapova, Tenis
