New York, 29 maj (BotaSport) – Miami e ka vazhduar marshin drejt titullit të kampionit, në kampionatin amerikan të basketbollit – NBA.
Dyshja e mrekullive, Dwayne Wade e LeBron James i kanë udhëhequr Heat drejt fitores së parë në finale të Konferencës Lindore, të cilën e shënuan mbrëmë ndaj Bostonit.
Celtics vuajtën në sulm dhe Miami kështu pa problem iu gëzua fitores me rezultat 93:79. “Ishte një lojë e çuditshme, me shumë rënie e ngritje. Kemi mundur të luanim më mirë, por në fund e gjetëm mënyrën se si të fitonim”, deklaroi trajneri i Miamit, Erik Spoelstra.
Mbrojtja e vendësve ishte e sigurt, dhe sulmet e James (32) e Wade (22) ishin të pandalshme për kundërshtarët. Në radhët e Bostonit, më i dalluari ishte Kevin Garnett, që shënoi 23 pikë.
Finalja e Konferencës Lindore
Rezultati
Miami – Boston 93:79
Miami: James 32 pikë
Boston: Garnett 23 pikë
Fjalët Kyqe: Basketboll, Boston, Miami, NBA
