New York, 30 maj (BotaSport) – San Antonio është treguar e pa rezistueshme për Oklahoma Cityn, të cilën e ka mposhtur edhe në ndeshjen e dytë finale të Konferencës Perëndimore.
Tony Parket ka bërë një lojë të jashtëzakonshme, duke realizuar 34 pikë dhe e duke i ndihmuar Spurs që ta kontrollojnë totalisht ndeshjen.
San Antonio në një moment arriti deri në 22 pikë avantazh, në çerekun e tretë, ndërsa më pas Thunder u rikthyen, po nuk mundën ta shmangnin humbjen me -9 pikë, 120-111.
Tek Oklahoma City, më i dalluari ishte edhe një herë Kevin Durant, që realizoi 31 pikë.
San Antonio e regjistroi fitoren e 20-të rresht, ndërmjet pjesës së rregullt të sezonit dhe garave shtesë, duke e konfirmuar formën e shkëlqyeshme.
Nëse vazhdojnë me këtë ritëm, Parker me shokë nuk do të kenë problem ta eliminojnë Oklahoman, për t’u kualifikuar në finalen e madhe të NBA-së.
Konferenca Lindore
Rezultati
San Antonio – Oklahoma City 120-111
San Antonio: Parker 34
Oklahoma City: Durant 31
Fjalët Kyqe: Basketboll, NBA, Oklahoma City, San Antonio
