San Antonio, 28 maj (BotaSport) – San Antonio nuk di kurrë të dorëzohet. Pasi po humbiste me 9 pikë, vetëm 12 minuta pa përfunduar takimi, Spurs ia dolën ta mposhtin Oklahoma Cityn, në ndeshjen e parë finale të Konferencës Perëndimore.
Manu Ginobili realizoi 26 pikë, për t’ia dhuruar fitoren e parë San Antonios me rezultat 101-98.
Djelmoshat e Gregg Popovich e vazhduan kështu një seri të jashtëzakonshme prej 9 fitoresh rresht në garat e play-offit.
Nëse e konsiderojmë edhe sezonin e rregullt, atëherë ky numër mund të rritet në 19, ndërsa shënuan fitoren e 30-të në 32 ndeshjet e fundit.
Thunders nuk u mjaftuan 27 pikët e Tim Duncanit. Të martën do të zhvillohet beteja e dytë për Perëndimin.
Rezultati
San Antonio – Oklahoma City 101-98
San Antonio: Ginobili 26 pikë
Oklahoma City: Durant 27 pikë
Fjalët Kyqe: Basketboll, NBA, Oklahoma City, San Antonio
